moti bhikharte gaye

jahan moti mile unhe sahejte gaye
ek taar mein unhe hum pirote gaye
aur jane kahan se ek jhataka laga
taar tuti aur moti bhikarte gaye

chun raha hoon fir woh moti main
par ganth se woh taar rehti nahin
aur agar pehle moti pirotaa main
phir taar mein ganth lagti nahin

sahej moti aise hi aage badte gaye
bin taar ke yeh moti bikharte gaye
khoya tha inhe ek baar jhatake se
bina thokar hi yeh dur hote gaye

jo gum gaye hain woh milte nahin
aur yaad se woh kahin jaate nahin
kaise bhool jaoon main khud unko
sahejey moti zahan se nikalte nahin

kabhi hum yadoon ko bhi pirote gaye
jahan dard mila usse sahejte gaye
wahan bhi bas ek aisa jhataka laga
meri aas tuti ye moti bhikarte gaye