tum sada us chor rehte ho

jab milte ho tanha milte ho
saath chalkar dur rehte ho
beech gali ya hai ek dariya
tum sada us chor rehte ho

ratoon ko chup ke nikale ho
kuch sapnon ko tum jeete ho
mere paas aake nahin milte
tum sada us chor rehte ho

har safar mein tum saath ho
kyon mujhe wahin dikhte ho
kuch bhi karloon main jatan
tum sada us chor rehte ho

lagta tum iska ek kinara ho
jahan jaoon tum dikhte ho
dariya ka fansla rekh kar
tum sada us chor rehte ho

batao tum kab kise milte ho
din raat tum tanha dikhe ho
in maujoun mein utar jaon ki
tum sada us chor rehte ho

paas aakar nahin milte ho
dur jakar bhi na bhulate ho
pul kyon tum nahin banate
tum sada us chor rehte ho

jab milte ho tanha milte ho
saath chalkar dur rehte ho
beech gali ya hai ek dariya
tum sada us chor rehte ho

nikal gayi jab woh...

nikal gayi jab woh tamanna dil se
phir kyon milte ho tum aaj mujh se

bhul chuke the jab hum sab kuch
woh khwab kyon dikhte aankhon se
bhar gaye the sab zakham purane
kured jaate ho kyon nakhoonon se

nikal gayi jab woh tamanna dil se
phir kyon milte ho tum aaj mujh se

yaad aaya mujhe phir woh zamanna
jisme milte the tum roz hi hum se
kahan gum hui hai woh raat purani
jab ghatoon batein karte chand se

nikal gayi jab woh tamanna dil se
phir kyon milte ho tum aaj mujh se

tum aaye phir kyon dil dastak dene
jab khud hi nikale the makaan se
aaye kyon tum tuuti aas bandhane
jab khush the hum apne veeranon se

nikal gayi jab woh tamanna dil se
phir kyon milte ho tum aaj mujh se

kabhi bahut samjhaya humne dil ko
ke ishq na karna kabhi is quatil se
meri marzi pe hai koi zor na mera
rokoon kaise dil ko unhe milne se

nikal gayi jab woh tamanna dil se
phir kyon milte ho tum aaj mujh se

kuch baat hai

kuch baat hai ki baat unse nahin ho paati
shahar aisa ke raat bhar neend nahin aati

koi poocho unse kyon tadpate itna mujhe
unke na hone par koi aah bhi nahin aati
bekarar dil hai mera ek tasavur ko unke
kya kahun unke bina ise neend nahin aati

kuch baat hai ki baat unse nahin ho paati
shahar aisa ke raat bhar neend nahin aati

kuch ek tamanaien aise taddpati har dum
kuch bhi ho yeah unki arzoo nahin jaati
dekh leta hoon jab bhi unko main kabhi
us roz mujhe neend raat bhar nahin aati

kuch baat hai ki baat unse nahin ho paati
shahar aisa ke raat bhar neend nahin aati

koi samjahoo mere dil ko aur doobne se
unki yaad aati hai aur umeed nahin jati
hai khwaboon main unhi se milna aye dil
phir kyon mujhe need raat bhar nahin aati

kuch baat hai ki baat unse nahin ho paati
shahar aisa ke raat bhar neend nahin aati

kehte hain woh aayenge milne agale roz
kabhkhat dil ko baat samajh nahin aati
kya kare Kapil is jadojahad mein yahan
is brahm mein neend raat bhar nahin aati

kuch baat hai ki baat unse nahin ho paati
shahar aisa ke raat bhar neend nahin aati

har kissi ko hai kuch gila mujhse

har kissi ko hai kuch gila mujhse
aaj khafa hai yeh shahar hum se

aah nikalti hai barbaad dil se
koi purana rishta hai mera gumse
yun mila mujhe yeh dard zor se
bichada koi saathi ho bachpan se

har kissi ko hai kuch gila mujhse
aaj khafa hai yeh shahar hum se

awaaz di thi maine ek umeed se
kuch anjaan chehre nikale kahin se
dekh mujhe sab mud gaye wahin se
parchaiyaan hi mili mujhe shahar se

har kissi ko hai kuch gila mujhse
aaj khafa hai yeh shahar hum se

tut kar girte hain paate ped se
mere jaise yeh bhi mile khaak se
fir kyon aabaad sapne is dil se
kuch armaan jal rahe meri aag se

har kissi ko hai kuch gila mujhse
aaj khafa hai yeh shahar hum se

hoon tar-batar main teri barish se
na mili chat mujhe is shahar se
kya kahoon aye asamaan tujh se
kabhi mili this chat bas tujhi se

har kissi ko hai kuch gila mujhse
aaj khafa hai yeh shahar hum se

kuch ruswai mili mujhe hawa se
saath mila mujhe meri tanhai se
aur kuch waqt kata is rubai se  *
Kapil aur kya chahta shaher se

har kissi ko hai kuch gila mujhse
aaj khafa hai yeh shahar hum se

For the purists, there is no AABA rhyming stuff in this, This is more of  AAAA. But still referred as rubai based on its loose definition on quatrain

raasta

main raasta hoon, rehta gumnaam anjaan ban kar
mud raha har mod par, chal raha hun toot kar

kisi makaan ruka nahin, koi meri manzil nahin
chal raha hoon main, bas kuch aur aage bad kar

guzar rahe log kai, karvaan mulkoon ke bhi
aur main doh raha hoon, sabko yunhi hans kar

Koi musafir chal raha mujhpar bahut der tak
maine na dil lagya kisi se, raha sabse kat kar

kuch rahagir aise bhi aaye jo ruk gaya sire par
badd diye woh bin mere hi, kuch der soch kar

bahut kum milte hain aise chalte musafir mujhe
jo badaein ek nayi aur, mujhe ek baar chodd kar

inhi gumnamoon se bani rehti hai hasti meri
warna yahan har koi chalta mujhe raund kar

raunda gaya hoon kaise Kapil aur kya bataoon
haath khali, paer challi, hoon  tadapta roz jal kar

chaand roshan

Chaand roshan hai raat ke guzar jane tak
aur main zinda hoon unke yahan hone tak

kashmaksh zindagi karta hai har bashinda
aur kashmakash rehti hai maut aane tak

maut bhi kambhakht dekhti bas rah unka
uska tasavur rehta unke chale jaane tak

hai tassavur kitane rangeen unse poocho
yeh rang saath dete unke saath hone tak

mahak raha hai gulshan bahaar mein dekho
yeh rang-o-kushboo hai phool murjhane tak

kal doob gaya tha aftaab mujhse rooth kar
batao use, roshan hai jahan uske hone tak

rooth gaya hai chain mera mujhse dekho
yeh milta tha sirf unki innayat hone tak

gusstakhi kar raha Kapil aaj fir unse
do-char sans milti hain neend khulne tak

batao yaroon

kashmaksh-e-hasti hai meri yaroon
main zinda hoon kaise bataoo yaroon

kisi baat ka mujhpe asar nahin hota
kahin se dhoond ke ahsaas lao yaroon

aawazein bahut sunta tha pehle kabhi
aaj tum hi mujhe awaaz lagao yaroon

yahan thi kabhi bahaarein hamesha
tum aaj ek phool to dikhlao yaroon

kisi madhoshi ne mujhe to behosh kiya
kisi tarah se mujhe hosh lao yaroon

gaya to kahin bhi nahin main pehle
phir kyon main aaj gum gaya yaroon

kaun rasta jaata mere makaan ki aur
koi to batao mujhe mera pata yaroon

khandhar yahan beshumaar hain yaroon
koi to batao kahan mera ghar yaroon

kyon aate ho

kyon aate ho aaj afsoss karne mere halaat pe
main bas barbaad hua hoon tuta to nahin

kuch hasratoon ka hi khoon kiya tumne to kya
maine kuch pal khoye hain sapne to nahin

cheen le gaye the tum bahut se sapne bhi mere
bacha gumaan-e-hasti hai khayal to nahin

khayaloon mein kya hai tum khayal se poocho
meri arzoo ki ghadi hai, maizat to nahin

tum shayad aaye nazara meri maiyat ka dekhne
yeh jasn-e-zindagi hai, koi mataam nahin

kyon laga yeh khaak ho jayenge ab tumhare bina
ye dhadakta dil hai, jalta chirag nahin

dhadak raha tha dil barsoon bhi tumhare bina
do pal zindagi hai quaiyanat tak nahin

quaiyanaat kisne dekhi jo Kapil yeh keh gaya
tera hona quaiyanaat se kum to nahin

boond ka safar

hoon chala main yahan se ab mit ke
mujhe rokna na kissi tarah pakad ke

na aaonga main yun tere haath kabhi
kya milega mujhe kahin baandh ke

tha hissa kabhi baraf ka shikhar ka
badta hoon manzil ki aur pighal ke

raste mein pathar the, pahad the
rondta nikal gaya unhe tarash ke

jahan zameen thi, sukhe khet the
main chal diya wahan use seench ke

milein kitane humrahi, humraaz mere
rukke bina baat kar rahe kalkal ke

hua tha jab adheer sa, bechain sa
mita gaya kyon batiyan ufaan ke

dikha dur makaan mere, manzil meri
main kyon chal raha ruk ruk ke

mila hoon manzil se samandar se
kisse boond ke yeh uske safar ke

aye dil tum kyon

aye dil tum kyon seene mein kashish rakhte ho
mujhe barbaad kar, kyon shahar aabad karte ho

aashiyane bahut dikhate hain banate hue yahan
tum in ashiyanoon pe nazarein hazar rakhte ho

dekh lo kahin ho na jaye dil barbaad phir koi
tum aabad dilloon mein makaam kamaal rakhte ho

ab dil keh raha hai na choddna tum uska saath
saath nibhane mein kyon nakhare hazar karte ho

yeh koi brahm nahin meri, haqqiqat-e-bayan hai
tum to jaanaza thamane kandha aur dhoondate ho

aaj to mar gaya Kapil phir bhi kya sochate ho
jashn manao, kyon dikhakar maiyat mein rote ho

main chal pada

main chal pada hoon aapni basti se dur
aaj hua hoon khuda tere shaher se dur

roko na mujhe aye khuda ab kahin jane se
taqleef se hua hoon tere is karam se dur

na kar_na barishein meri chat pe tu ab
hoon tar-batar paseene mein us chat se dur

yahan sab ped hain mehroom aaj paton se
ye mujhe kya karenge teri dhoop se dur

hatana hai to hata le yeh bache ped bhi
yeh dasht hai yahan to aadmi aadmi se dur

yahan aadam mil bhi jaata to kya hota
yahan ki insaniyat hai har insaan se dur

main bhi insaan reh na paya yahan aakar
tune kya jahan basaya hai khud se dur

yun to kai bastiyaan hain yahan har aur
par main phir chala hoon in se bhi dur

kuch kadmoon par nayi duniya dikhi hai
le gayi mujhe pichali awazoon se dur

yahan aadam wohi par khuda koi aur hai,
aur yeh khuda le jaata mujhe tujhse dur

aaj sab ke beech kyon use ladate dekha
kyon ho rahi aaj yeh khudai khuda se dur

is basti sab ladate hain khuda ke naam
bas naam hai baaki woh khudai se dur

ram aur rahim kat chuke kitane yahan
kaise kahoon sab khuda hain yahan dur

woh kehta mera khuda main kehta mera
haqqiqat yeh hai dono hain khuda se dur

dehh chuke hain yahan par to makaan kai
par nahin banta ghar dusare aadam se dur

jab main yahan hoon aur woh bhi yahan
phir kyon rekhte dono hote khuda se dur

yeh shaher bhi maine phir chodd diya
bata aye khuda jaoon kaise tujh se dur

makaan dikhte hain mujhe to har aur ab
par khudai shaher ki hai insaan se dur

kuch pedoon mein phir pate hare hain
shayad yeh baache hain duhmani se dur

bachaoon kaise inhe main is aag se
yahan to har aasra hai inse hi dur

kuch to rokega tere naam pe ladne se
ya khuda bata kaise karoon inhe dur

jal raha hai yeh baaloo aaj aag se dur
khuda tum khud chale aao nafrat se dur

hai sochta aye

hai sochta aye dil use, kyon nahin bhulta uska rukh bata
vo dasht mein chod gaya, kyon kehta phir use pata bata

mille veerane us patte, phir kahan bhatakta tu yeh bata
woh nahin chahta tu mile, kyon dhoondta use tu yeh bata

dur hai uska ghar kahin, phir kyon chal diya mujhe bata
woh dikhta rukh-e-sarab bas, kyon badd gaya tu yeh bata

kum tha uska sitaam nahin, fir kyon yaad karta yeh bata
woh zakhm hazaar kar gaya, fir kyon use soochta mujhe bata

kuch aur hote uske sitam yahan, to mein poochta aye khuda
kyon diya tha aise dil unhe, ya khuda tu ab aake bata

aaj phir chala...

aaj phir chala hoon tere shaher se dur,
tanha akela main nikala ho ke majboor

ek baar to poochte tum mujhse ye kabhi
kya baat hui ke tum ho chale mujhse dur
aaj aayi hain satane teri yaadein kai,
zakhm deti hai woh tujhse kar aur dur
bataon kya ke dil dhadkta nahin mera
jism zinda bas zamaane ke liye huzoor
kuch ek roz se yun ris raha zakhm mera
kyon nahin jaate ho meri zahan se dur

aaj phir chala hoon tere shaher se dur...

kashmaksh jeene ki aur kam bhi nahin
ke har baar milte ho hyon ho ke dur
main saans leta hoon kuch pal aise
phir dekh kar tumhe ho jata majboor
band kar bhi loon aankh to bhi kya ho
aankhoon se kaise rakho surat ko dur
yeh tasvir to chappi hai zahan mein
batao safed ho yeh canvas kaise huzoor

aaj phir chala hoon tere shaher se dur...

paas hota hoon to nahin milte mujhe
aa hi jate ho khwaboon mein ho ke dur
ab in khwaboon se dar sona chod diya
to kyon gunjate ho tum fiza me huzoor
kuch bhi karoon sunai deti awaaz yehi
bas ruk jao mujhe aur na karo majboor
kahan jaoon yeh tu hi bata de mujhko
ho sakoon kabhi ek pal ke liye dur

aaj phir chala hoon tere shaher se dur,
tanha akela main nikala ho ke majboor

woh jo tut

woh jo tut gaya woh mera khwabh tha,
us aankh se dekhna mera naseeb tha
woh raat raat jagna mera gurur tha
bhulta kaise ki khuda mere saath tha

woh rok kar uska mujhse yun khelna
yeh kaisa us dillagi ka mazak tha
kyon din raat ka mera yun bilakhna
ussike diye tute aaine ke paas tha

woh jo de ke gaya tha kabhi mujhe
yeh usi ki mohobat ka ek fool tha
seene main use lagaye beitha raha
bas unhe raundana uska jawab tha

woh milaake gaya mujhe khaak mein
jab kabhi main hi uska chiraag tha
us_se koi roshni nahin mili mujhe
aur dhuan kar_na bhi uska khel tha

hai ab baacha kuch nahin paas mere
milna us_se to mujhe ab kya hi tha
main samet_ta aapne adheere ko hoon
chiraag se mila mujhe bas yehi tha

muskurahat chehre pe

muskurahat chehre pe hai aur dil ro raha hai
kis se kahoon main ke mera yaar kho gaya hai
bas chaar lamhoon mein duniya badal gayi hai
kis_se poochoon ke woh surat kidhar gayi hai

aaj sisakta hai dil mera inteezar mein unki
aur khabar aayi ke unki seerat badal gayi hai
hashr dil ka kabhi aisa soocha na tha maine
is beechare dil se dhadkan hi chin gayi hai

kaise mitaoon unki yaadoon ko apne zahan se
un yadoon se zindagi ki soorat badal gayi hai
main aaj bhi wahin khada hoon tanha aur akela
unke na hone se mujhe meri tanhai mil gayi hai

kyon aati hai yaad

kyon aati hai yaad unki, yeh mujhse na poocho
main unka beemar hoon, tum yun mujhko na dekho

hoon bas ek zara main, to woh pehchane kaise
main gumnaam parinda hoon, mujhe udate na dekho

kis lamhe mein kaate the yun unhoone pankh mere
main chatpata raha hoon, mujhe tadapte na dekho

chod gaye the woh mujhe yunhi kahin sisakte hue
main aaj bhi sulag raha hoon, dhuein ko dekho

khaak kiya tha unhone, dur hokar seena yeh mera
main bejaan but hoon, tum mujhe tutate na dekho

pada hun jaise apni hi maiyat mein main yahan
yeh to janaza hai mera, meri aankhon se dekho

aaj mil kar un_se

aaj mil kar un_se main pareshan kyon hun,
zindagi hai woh meri, par tanha main hun

main haath badaata raha, aur woh badate gaye
bas khali hateliyan liye wahan pada main hun
woh thaamte nahin hain yeh rukhe se haat mere
phir unke inteezar mein, main tadapta kyon hun

aaj mil kar un_se main pareshan kyon hun,
zindagi hai woh meri, par tanha main hun

kaise poochun unse yahan meri hasiyat kya hai
unki betarafdari se aaj yahan darta kyon hun
kyon woh dekhkar bhi nahin dekte kabhi mujhko
aise andekhe kiye jaane se kuch darta main hun

aaj mil kar un_se main pareshan kyon hun,
zindagi hai woh meri, par tanha main hun

hain khile fool kis jagah, aaj tum unse poocho
failii unki khushbu, par is_se mehrum main hun
is rangat ki tareef sunta hoon main roz yahan
par ab bhi main unke rangoon se durr kyon hun

aaj mil kar un_se main pareshan kyon hun,
zindagi hai woh meri, par tanha main hun

utarta nahin hai ab halk se mere nivaala koi
is bahar mein bhi, paani ko tarasta main hun
kaise kahon le aayo mere liye ek faanki tum
tumhare haath mile zahar ko tarasta kyon hun

aaj mil kar un_se main pareshan kyon hun,
zindagi hai woh meri, par tanha main hun

aaj sansein

aaj sansein leta hoon main bahut sooch kar
kuch adhura sa hai, mera kuch khoya sa hai
talashta kya hoon yeh main hi nahin janata
aye zindagi tu bata, mera falsafa kya hai

aaj nahin aata ankhoon mein woh khwab mera
kahin dushman koi to meri neend ka bhi hai
poochoon kis se main aapni tamanna ka pata
aye mere dil tu hi bata, ab chahata kya hai

aaj ruk jata hai dil bhi dhadakte dhadkte
kasoor ismein bhi issi kambhakht ka hi hai
kyon sab khwahishoon ko dafn kar jata yeh
aur kahin jalata mere banaye makaan ko hai

aaj jalta woh makaan mere to tamasha dekho
ye jalte makaan aansoon se bhujte kahan hai
hoon baitha main kuch duri pe is manzar se
batao jali zameen pe aashiyan banta kahan hai

aaj khaak bachi bas mere dil ki jahan dekho
khaak mein koi naya shola sulagta kahan hai
hoon ek muthi bas issi khaak ki liye beitha
daalun kahan isse main, bata ganga kahan hai

Main Musafir

main musafir, chalta hun rastoon pe yahin.
shaher milte hain in_hi rastoon pe kahin
bahut do-rahe aate hain mere safar mein
agar us raste ko roota to reh jaata wahin.
har baar chuna hai ek naya sa rasta maine
dekhta hoon shaher jo pehle dekhe nahin
kai baar mod mudd_kar mujhe le jate wahin
par main musafir kisi shaher rukta nahin

nikal aaya hoon carvaan se bhi dur kahin
yeh dasht aur asmaan saath chodate nahin
badaya tha haath maine to unki bhi taraf
par yeh tanha hain kisi se milte hi nahin
kuch dur hai nakhlistan is dasht mein bhi
kaun jaane woh doori koi saraab to nahin
main kyon soocho uske yun saraab hone ko
main musafir, dasht-e-saraab chodta nahin

main musafir kisi manzil ko talashta nahin
har raste se kyon naya rasta nikalta nahin
bahut ho chuka mera chalna bas char kadam
kyon do kadam aur chalkar kahin jaata nahin
thak_kar beitha aaj jaane kis liye main ab
kaise rukna hai yeh kisi ne bataya hi nahin
aaya hai saath dene dekho woh chaand yahan
chaand to musafir hai ek jagah dikhta nahin

main musafir dekhta hoon khwab safar ke hi
par har ek khwab safar mein badalta nahin
khwab kuch manziloon ke bhi liye hain maine
unmein se kuch manzilein kabhi dikhi nahin
yahan kuch safar aise bhi hue hain mere ki
safar aapni manzil par kabhi thamein nahin
badal jaati hai manzilein kyon nazdeek aakar
main musafir hoon is baar ki parwah hi nahin

aaj phir kyon

aaj phir kyon teri yaad aayi hai
door tak sayoon se bhi judai hai
char din mein barsoon tanhai hai
zamaane mujhe kya saza sunai hai

dekh leta tha tujhe bas do ghadi
aaj us ghadi ki mujhse ruswai hai
kyon main hoon tanha yahaan itna
jaane kis gunah ki saza paayi hai

saza milti hai gunahoon ki sabko
mujhe kis gunha ki saza sunai hai
ibadat karta tha main bas teri hi
phir bata kyon tujhse hi judai hai

pochon kaise ab tujhse bata mujhe
yahan meel-o-meel reit sajai hai
tamanna dil ki kab_se dabai hai
aaj phir kyon teri yaad aayi hai

kahin khamooshi

Kahin khamooshi se din guzarta hai
kahin shor mein dil dhadkan sunata hai
meri aawaz ko bhi woh nahin sunata hai
aawargi hai meri,
aur woh mujhe kyon bandh dete hai

Kahin khamooshi se din guzarta hai
kahin shor mein dil dhadkan sunata hai

kyon mere jeene woh dushman hai
kyon mujhse woh ab dur hi rehta hai
mere seene main to woh dhadakta hai
bandagi hai meri,
aur woh mujhse kyon khafa sa hai

Kahin khamooshi se din guzarta hai
kahin shor mein dil dhadkan sunata hai

meri sansoon ka woh malik hai
meri har nabaz ko woh samjhta hai
mere hone se woh mujhse khafa hai
khuda woh mera,
aur wohhi mujhe kaafir kehta hai

Kahin khamooshi se din guzarta hai
kahin shor mein dil dhadkan sunata hai
meri aawaz ko bhi woh nahin sunata hai
aawargi hai meri,
aur woh mujhe kyon bandh dete hai

Poocho

unke hone ka tum mujhpe asar dekho,
main zinda hoon kaise yeh na poocho
bas vajah hain woh zinda hone mein
kyon ruksaar pe hai parda unse poocho

shayad dhaka tha rukh jaan kar usne
kab hai quatl ka irada unse poocho
mar gaya tha jab dum bhar hi dekha
kab hai deedar ka wada unse poocho

wada kiya tha unhone jeene ka mujhe
phir mere quatl ki vajah unse poocho
dhadak raha dil jaane ab tak kaise
meri dhadkan ka sabab tum na poocho

unke shahar mein

unke shahar mein kahin to mulakat hogi
unse bhi mohobaat ki kabhi to baat hogi
abhi hoon bheed mein main dhoondta unko
milne par raat bhar unhi se baat hogi

aaj aayein dekh woh mujhko mere peeche
ab yunhi dur se aankhoon ki baat hogi
kuch sadiyoon ke baad aayega hosh humko
tab kahin beith do pal ki mulakaat hogi

guzar raha hai waqt bin kuch bole unhi
unki aankhoon se aaj yahin qainaat hogi
gilla kaisa qainaat ke inteezar ka mujhe
nazaroon se khubsurat kaun se saza hogi

har guzarte pal mein woh dekhte ghadi ko
waqt tham jaana ke ghadi bhar baat hogi
jo tu na tham saka aaj to jaan le tu bhi
bin kuch kahe sune adhoori mulakat hogi

woh khade hue hain bas adhoore pal mein
kehte agale safar mein phir mulakat hogi
na jatao mujhe ki yeh guzarta shaher hai
is shaher mein kahin meri bhi chat hogi

kahin khamoshi mein

kahin khamoshi mein milti hai woh raat unse
yaad aati hai aaj woh do pal ki mulakat unse

aaj bhi karein beithe hain hum ek umeed unse
sunai de jo kabhi humein bhi aapna naam unse

mashrufi aisi hai ki nahi milti mohlaat unse
bin fursat bhi hoti hai ankhoon ki baat unse

aapni abroo sawal poochatein hai kuch unse
aur palkein jhapakti hain izhaar mein unse

mere dil ko sare bazaar milane ki umeed unse
bheed mein bhi milti hain yeh nazarein unse

is par bhi reh jati hai apni koi shikwa unse
kahin shor mein gum hai khamosh mulakat unse

मेरी आवारगी

आवारा मैं फिरता हूँ, शहर की गलियों में
मैं तन्हा भटकता हूँ, महकती फिज़ाओं में
कोई आया है मिलने, जगा आस वेरानो में,
क्यों मिलते मुझको, बस पुराने अफसानों में

मेरी आवारगी मचलती है
किसी ने एक ज़ंजीर बांधी है
कशमकश आज जीने की है
और उसने ज़िन्दगी मांगी है

वोह कोई अनजान चेहरा है
जो हर पलक पे दीखता है
क्या इन आंखों का धोका है
जो वोह साथ ही चलता है

आवारा मैं फिरता हूँ, शहर की गलियों में
मैं तन्हा भटकता हूँ, महकती फिज़ाओं में
कोई आया है मिलने, जगा आस वेरानो में,
क्यों मिलते मुझको, बस पुराने अफसानों में

मेरी आवारगी हैरान सी है
वोह क्यों मिलने से डरता है
मेरी सांसों का एक मेला है
वोह हर दम छुपता रहता है

वोह पहचाना सा चेहरा है
जो मुझसे अब दूर रहता है
यह आंखों का इन्तीज़र है
वोह अलग राह पकड़ता है

आवारा मैं फिरता हूँ, शहर की गलियों में
मैं तन्हा भटकता हूँ, महकती फिज़ाओं में
कोई आया है मिलने, जगा आस वेरानो में,
क्यों मिलते मुझको, बस पुराने अफसानों में

मेरी आवारगी आज रुसवा है
यह आज मुझसे ही खफा है
कोई पुराना इससे बीछड़ता है
आज एक नया इससे मिलता है

इसकी यहाँ कौन सुनाता है
यह दिल अब किसको बुलाता  है
गुलशन आज फिर से महकता है
इसका तो यह आखिरी दम है

आवारा मैं फिरता हूँ, शहर की गलियों में
मैं तन्हा भटकता हूँ, महकती फिज़ाओं में
कोई आया है मिलने, जगा आस वेरानो में,
क्यों मिलते मुझको, बस पुराने अफसानों में

कहीं दिल आवारा रहता है
कहीं उनसे रुसवा मिलता है
आपनी तो आवारगी हैरान है
यह किसी और पे मरता है

अरसे बाद मर-गया यह है
पर फिर भी याद आता है
इसकी आवारगी सुलगती  है
आवारगी की रूह भटकती है

आवारा मैं फिरता हूँ, शहर की गलियों में
मैं तन्हा भटकता हूँ, महकती फिज़ाओं में
कोई आया है मिलने, जगा आस वेरानो में,
क्यों मिलते मुझको, बस पुराने अफसानों में

आँख छलक आई

आज आँख छलक आई है,
कुछ धुन्दला-धुन्दला सा ही दिखता है
आज उनके जाने का दिन है
पर हर आने के दिन भी येही होता है

एक लम्हा मिले तो पूछेंगे
क्यों हमसे आँख मिचोली करता है
ढून्ढ रही उनको ही  आँखें
वोह छुप छुप के ही मुझसे मिलता है

मिलने का दिन दूर अभी तो
यह लम्बा इंतज़ार मुझसे नहीं कटता है
पूछने पर भी नहीं बताता
एक रोज़ पहले आने से क्या बिगड़ता है

जानता है ये बेताबी मेरी
वोह फिर भी बस दूर से मुस्कुराता है
देख मुझे आपनी खिड़की से
मुंह मोद्द के वहां से तो चला जाता है

यकीं मुझे भी है उसपे
वोह छुप छुप के बस यहीं देखता है
कुछ दिल में है उकसे भी
पर वोह भी इज़हार करने से डरता है

जानते हैं हाल हम दोनों
दोनों में कोई कह कुछ नहीं पाता है
मिलने पर नज़र नहीं हटती
पर नज़र मिलाने से दिल घबराता है