tum milkar mujhse

tum milkar mujhse dil mein samate kyon ho
batao zindagi ko zindagi banate kyon ho
main jee raha yunhi khud madhosh hokar
ek madhoshi cheen dusari de jaate kyon ho

main zindagi ki jadojagad mein pada nahin
mujhe kashmakash ki taraf le jate kyon ho
maine kabhi duniya ko kuch samjha nahin
mujhe duniya saath jeena sikhate kyon ho

awaaz deta raha main pehle bhi aye zindagi
tum jawaab de mujhe lajawaab banate kyon ho
maine to kissi se koi umeed rakhi nahin
tum mujh se ban kar umeed jagate kyon ho

kahin aayi nahin milane koi yaad mujhse
tum har pal nayi yaadein de jaate kyon ho
abhi mile kuch pal bhi nahin hue mujhko
tum phir aaj jaane ki baat karte kyon ho