is sune makaan mein aye khuda kuch bhar de
kuch aur na sahi to mujhe ek dard de de
in kantili galiyoon se bhi log nikalte hain
kuch phooloon se aaj in kant_on ko dhak de
hain beraang se gul to yahan bahut khilte
O yaar mere inko aapne rang se rang de
thake bedhe hain teri mehfil mein to sabhi
ek tasavur se tu in sabko aasmaan pe kar de
kabse khade hain hum sab sajade mein tere
tu ek jhalak dikhla aur bas ab jaan le le
aapne jeene ke liye hain sabke bahane kai
mujhe jeene ke liye bhi koi ek wajah de de
No comments:
Post a Comment