tum aaye

main subha uth kar soch raha tha
sapna yaad kar muskura raha tha
usne poocha kya hua tum muskuraye
maine kaha aaj sapne mein tum aaye

kuch naya to us sapne mein tha
humara chand lamhon ka saath tha
ab ki baar to tum bhi muskuraye
kum se kum sapne mein to tum aaye

woh ajabb nazar se dekh raha tha
meri baat ko yunhi tatoll raha tha
maine kaha tum kis baat se ghabraye
woh bas sapna tha jismein tum aaye

sansoon ka tana bana-bun raha tha
un batoon ka charcha chal rha tha
maine pooch ab ki baar kyon sharmaye
yeh to ek sapna hai jahan tum aaye

use bhi meri baat pe yakin na tha
laga jaise sapne ki baat banata tha
kaise kehta dilbar tumpe dil aaye
phir samjhaya bas sapna mein tum aaye