main dhoodta hoon

main dhoodta hoon har jagah kyon use
zindagi ki is udhed-bun mein bas use
samajh nahin pata kya deta woh mujhe
ek aur dard lene ke liye dhoondta use

meri tamanna bhi kuch mujhsi ajeeb hai
woh bhi kambhakht chahati hai bas use
chod aaya tha uski gali ko dur kahin
phir bhi arzoo hai ki nahin bhulati use

kya keh ke pukaroon nahin janata main
koi naam to abhi tak diya nahin hai use
uski woh kashish aaj bhi dil mein hai
aur dil ne bahut pyar se saheja hai use

kab tak dabake rakhoonga main ufaan uska
bahut chaah se sapnoon ne sajaya hai use
na dikhe woh aaj bhi to aur bhi aacha hai
maine kum-se-kum khwab mein basaya use