zara ruk beith

zara ruk beith paas mere tu
tujhse do baatein kar loon
dikha jhalak apne mukhade ki
tujhe ankhoon mein bhar loon

aaj meri behoshi pe tu na ja
zinda hun zara dum bhar loon
aye zamaana hosh mein na la
kuch ek naye se khwab je loon

hai roshni bahut tez sone ko
teri zulf se parda kar loon
sakht bahut hain pathar neche
teri zanoon pe sar dhar loon

utha na mujhe aapne aghosh se
main pal mein zindagi je loon
tha bejaan sa main pada yahan
milkar tujhse sansein le loon

kya wajah thi milne ki aapne
ab dil tujhse mohobat kar loon
phir mud dekh ek pal is taraf
main aankhen do char kar loon