kuch to kaha hoga zamaane ne humse
aye shor, tune awaazein dabayi humse
ki aaj kuch pata nahin chalta humein
kaun khafa hai aur kiski wafa humse
hain raste to kai dikhte yahaan par
jaane kis taraf dur hai manzil humse
aaj chaloon ussi aur main aye dost
jis raste pe har koi kafa hai humse
na_umeedi ka daman kabhi thama na tha
par aaj kambhakht umeed khafa humse
dasht-e-sehera pe to pahunch gaye hai
magar yeh sehar aaj hai rutha humse
dard milta hai dard-e-wafa se hamesha
aaj kuch dur hai unki bhi wafa humse
bahut koshishein ki humnein aye dil
par har moed par woh milte khafa humse
No comments:
Post a Comment