unke siwa kuch bhi nahin

in patharii aankhoon ko abhi bhi chain nahin
in_mein sirf ek inteezar hai koi aaram nahin

ek khat aaya to unhe iska bhi ehtaram nahin
sirf peigaam-e-yaar hai, deedar-e-yaar nahin

khat ke har harq pe dard milla, sukoon nahin
is dard-e-dil ki unke siva koi marham nahin

jawaab mein chaak-jigar apna, koi harq nahin
unke inteezar mein kambhakt marta bhi nahin

besharam aansoon hain mere ki rukte hi nahin
duniya dekhti rehi, inhe parwah kisiki nahin

main aaj zinda bas unse apni sansoon se nahin
mere jeene ki wajah unke siwa kuch bhi nahin