dhuan dhuan

dhuan dhuan hai manzil,
bas apna hai yeh rasta,
chuta peeche kitna kuch
ab un sab se kya vasta

ab dhuan dhuan hai fiza
pukarta mujhe yeh rasta
manzil ki ab fikr kahan
saathi kahan hai tu bata

kuch kadamoon pe zindagi
kahan khadi mujhko bata
kahin se koi awaaz nahin
aur har taraf hai rasta

kis aur jaon, kya janoon
mujhse baat kar aye rasta
munh pher khada hai woh
usko mujhse ab kya vasta

musafir main hoon nahin
in carvaan se kya vasata
koi mujhe pechanta nahin
kaise kare bayaan dastaan

main kaun hoon, kahan hoon
is baat ko hoon talashta
kaun si thi manzil meri
mujhe is sab se kya vasta

aage bhi ek raah padi hai
bas yeh rasta mujhe pukarta
kyon rokta mujhe jaane se tu
mujhe yahan kaun pechanta

bas dhuan dhuan yaad hai
aur dhuan dhuan hai rasta
dhuan dhuan aur char kadam
saathi kahan hai yeh bata