baras baras

kuch humari bhi sun le araaz
ab ki baar to tu zor se baras

patharai ankh paunchane baras
kuch ankhiyoon ke saath baras

yeh akhikyaan gayi taras taras
ae megha ab to tu garaj baras

sawan mein baras bhadoon baras
mausam hai jaata ab to baras

is baar kuch aise gajab baras
jaise na barasa kai baras baras

sukhi dharti pe tu jaldi baras
pyasi nadiyaan hain baras baras

sukhe hue in khaliyan pe baras
kuch sulagate sholoon pe baras

de ja tu phir se jeevan ka ras
aye zindagi boond ban ke baras