woh mera afsaana bana

woh mera afsaana bana mujhe chodd gaya
gumnaam ke beshumar naam karke chodd gaya

bahut kuch tha paas usse milne se pehle
aur woh milke mujhe kangaal chodd gaya

thi zindagi kabhi saath uske aisi haseen
fir kyon woh dasht mein tanha chodd gaya

pyaas bahut thi mujhko par itani nahin
ki woh beech samandar pyaasa chodd gaya

aaj kuch bachi si umeed bhi jaati rahi
ki aaj mere saamane woh ghar chodd gaya

tasveer basi Kapil is dil mein bas uski
aur woh ek baar mein sheesha todd gaya