milte firte hain sabse is pardes mein
ki kahin koi zarra to shayad aapna hoga
yeh begani si ek mehfil hai to kya hua
ki kahin koi zarr to shayad aapna hoga
udhar liye phirte hain hum kuch waqt
ki kahin koi lamha to shayad aapna hoga
kude hain hum bhi is chade pani mein aaj
ki kahin koi tinka to shayad aapna hoga
aaj chale hain dekhne yahan ke makaanon ko
ki kahin koi aashiyaan to shayad aapna hoga
aye baghbaan khojte hain tere baagh mein
ki kahin koi phool to shayad aapna hoge
gardish ke daur mein jeete hain hum
ki kahin koi din to shayad aapna hoga
dekhte hain kshitij ki aur aise hum
ki kahin koi kshitij to shayad aapna hoga
No comments:
Post a Comment