tum yun hi milte ho

tum yun hi milte ho dard chedne ke liye
har baar mil-kar fir bichad jaane ke liye

hain yaad aaj bhi dopahar ke wo do lamhein
jis mein aaye tum chukar guzar jaane ke liye

hai mahak aaj bhi aati us haath se tumhari
jise thama tha ek pal mein chod jaane ke liye

dekhta hoon us sadak ko main kabse yun hi
ki shayad aaoge phir pehchan banane ke liye

kuch ho, din-ba-din yeh umeed nahin jaati
ki ek din tum aaoge saath nibhane ke liye

yeh kasoor aur kissi ka nahin dil ka hai
nadaan kya jaane tu nahin jeeta is ke liye

aaj bhi dewaana hai teri aas, tere dhyan mein
par tu kahan rukta hai iske khwab ke liye

bahut dekhe the khwab humne bhi Kapil
par aaj jeete hain bas ek tasavur ke liye