khwaboon mein mil kar

khwaboon mein mil kar, kyon dur rehte ho
tum mere hokar bhi mujhse roothe beithe ho

hai yeh adaa kaisi, mujhe kuch to samjhao
khud tak ke, ek nazar pe munh pher lete ho

hai duri kuch kadam, fansala umrr bhar ka
ek kadam bada kyon do peeche keench lete ho

hai ik mushkil dagar aur yeh veeraan safar
tum haath pakadke kyon tanha chodd dete ho

hain dasht se veerane yahan har taraf dekho
tum is mein mujhe pyaasa bhatakne dete ho

bahut tersa hoon mein har pal tumhare liye
aur tum milkar bhi aaj ajnabi bane beithe ho

khwaboon mein mil kar, kyon dur rehte ho
tum mere hokar bhi mujhse roothe beithe ho