kuch tanha rahe

kuch tanha rahe, kuch be_parwah rahe
aye zindagi tujhse dur jeete rahe

chand mausam sukhe, chand geele rahe
par har mausam yun_hi tanha rahe

thi kahin bheed, tha kahin ek shahar
in se dur hum be_wajah chalte rahe

thi woh ek dagar, the kai mod magar
chodd har mod bas is aur badate rahe

kuch logg mile, kai saathi chut gaye
hum ajnabi mein dost dhoondate rahe

talash kabse, talash jaane kab tak
jiske liye har dagar bhatakte rahe

ek saans li, ek saans chodi gayi
is kashmakash mein hi ulajhte rahe

na teri raha taki, na hi waqt mila
bas issi bahane ko roz japate rahe

aaj aaya hai tu, aaj pukarta hai tu,
par hum na jaane kya soochte rahe

mayoos mud chala, mayoos bad chala
aur hum bhi ashk liye rote rahe